Helen Tyssekvam

Stemmefag: Sopran

Helen er ein 25 år gamal sopran frå Sande i Sunnfjord. Ho har nyleg fullført sin bachelorgrad i utøvande klassisk song parallelt med ein bachelor i musikkvitenskap ved Griegakademiet i Bergen hos professor Hilde Haraldsen Sveen, og har no byrja si masterutdanning ved same institutt.

Ved sida av studiane er Helen aktiv som frilansar og har vore solist i oppsetjingar av kjende verk som Händels Messias og Charpentiers Te deum. Ho var også å sjå som ein av hovudrollane i urframføringa av operaen The Yellow Wallpaper av Ana Maria Oancea. Gjennom Griegakademiet har Helen også vore med på Bergen Nasjonale Opera sine oppsetjingar av Mozarts Die Zauberflöte og J. Strauss’ Die Fledermaus.